AZPEITIKO MUSIKA ESKOLA

Juan de Antxieta Musika Eskola hirurogeita hamarreko hamarkadaren bukaeran, Milagros Aguirre, María Jesús Aguirre, Mari Sol Elorza, Maria Dolores Oteiza eta María Rosario Segurola Azpeitiko piano-irakasleek euren etxeetan ematen zituzten solfeo-eta piano-eskola partikularrak.
Bestalde, hainbat ikastetxetan ere solfeo- eta piano-eskola ematen zituzten. Musikako Akademian, José Maria Altuna eta Iñaki Alberdi (Azpeitiko Musika Bandako zuzendaria eta zuzendari ordea) bertako ikasleenpretakuntza espezifikoaz arduratzen ziren. Musikaren inguruko beste mugimendu batzuetara ere hainbat gazte hurbiltzen ziren musika ikastera. Horien artean daude, esate baterako, Tomás Geretak zuzentzen zuen "Ekaitza" solfeo eta txistu akademia, Amaia Garmendiaren
 gitarra-eskolak, Jose Maria Sagarzazuren "Izarraitz" txistulari-taldea eta baita "Itsasi" eta " Sahatsa" taldeek musika eta dantza arloan egiten zuten lana ere.
Musika-ikasleak gero eta gehiago ziren eta, orduan ere, ugariago ziren neskak. Musika-ikasketei jarraipen ofiziala eman nahi baizieten, Donostiako Goi Mailako Musika Kontserbatorioan matrikulatu behar ziren eta ikasturte amaieran Donostiara joan behar izaten zuten azterketa egitera.

Musika eskolaren 25. urteurrenaren liburua goian, 

eta behean, liburuaren zenbait argazki.