AZPEITIA EZAGUTZEN: MONUMENTUAK

Eraikin eta monumentu ikusgarriak ugari dira Azpeitian. Loiola eta bere ingurukoak dira ezagunenak, baina horiez gain badira beste asko eta asko ere. Hemen aurkituko dituzu aipagarrienak, eta nahi izanez gero, batetik bestera joateko ibilbidearen mapa ere deskargatu ahal izango duzu. Gozatu bisitaz.

Loiola

Loiolako Basilika Carlo Fontana arkitektuak XVII. mendean egindako eraikin barrokoa da. Azpeitin bisitari gehien jasotzen dituen tokia da Loiola, baina basilikaz gain badira bertan beste hainbat eraikin ikusgarri:
- Dorretxe zaharra: 1491n San Inazio jaio zen tokia.
- Loiolako Egoitza: 1713, Kristo erregearen alaben konbentua izandakoa.
- Errekarte baserria: Garate Anaiaren sorlekua
- Izpiritualtasunaren etxea.
- Egibar baserria

Olatzko ermita:

XII mendeko kapilla txiki bezain ikusgarria, Olazko ermita Azpeiti inguruetako eraikin mirestuenetakoa da. Ingurune paregabean dago, eta Loiolako bailara osoa ikusteko aukera eskaintzen du. Eraikina bezain ikusgarria da bertan dagoen Olazko Ama Birginaren irudia. Ermitatik metro gutxira, gainera, Dolores R. Sopeñaren hilobia ere ikus daiteke. San Inazioren bide espiritualaren jarraitzaile sutsua izan zen Dolores R. Sopeña.

Madalenaren ospitalea eta ermita

Madalenako erietxean bizi izan zen Inazio Donea hiru hilabetez, 1535ean Azpeitian bizi izan zenean. Hemendik atera ohi zen egunero, Azpeitiko kaleetan eskean aritzera, jasotako limosnak gero erietxean zeuden behartsuen artean banatzeko.

Ermita, berriz,1921. urtean zaharberritua izan zen. Ermita horretan aritzen zen Inazio Donea herritarrei kristau ikasbidea irakatsi eta predikatzen.

Soreasuko San Sebastian parrokia

Ziurrenik ere tenplarioek sortua, XVI. mendean eraberritu zen eta XVIII.ean Ventura Rodriguez maisuak berreraiki zuen. Bertan dago gordeta Inazio Doneak bataio ura hartu zuen pontea. Erlikia prezioatu moduan gurtua da.

Basozabal etxea

Gure herrian ditugun eraikin ikusgarrien artean eraikuntza zibil zaharrena da. “Etxe Zahar” izenaz ere ezaguna da. XIV-XV mendeetan eraikia.

Altuna etxea

Etxebizitzak egiteko eraitsi egin zen, baina lehen zen bezalaxe eraiki da berriro, mudejar estiloko fatxada eta guzti.

Enparan Jauregia

1320. urtekoa da. Enrique IV erregeak etxearen zati bat eraisteko agindu zuen eta 1535. urtean berreraiki zuten. Gaur eguneko itxura 1750ean hartu zuen.

Antxieta etxea